സൗദിയിൽ ബലിപെരുന്നാൾ വെള്ളിയാഴ്​ച

തിങ്കളാഴ്​ച മാസപ്പിറവി കാണാത്തതിനാൽ സൗദിയിൽ ബലിപെരുന്നാൾ വെള്ളിയാഴ്​ച ആയിരിക്കുമെന്ന്​ സൗദി സുപ്രീം കോടതി അറിയിച്ചു. ദുൽഖഅദ്​ 29ന്​ ദുൽഹജ്ജ്​ മാസപ്പിറവി നിരീക്ഷിക്കാൻ സൂപ്രീം കോടതി ആവശ്യപ്പെട്ടിരുന്നു. അന്നേദിവസം മാസപ്പിറവി എവിടെയും കാണാൻ കഴിഞ്ഞില്ല.

ചൊവ്വാഴ്​ച ദുൽഖഅദ്​ 30 പൂർത്തിയാക്കും. ദുൽഹജ്ജ്​ ഒന്ന്​ ബുധനാഴ്​ചയായിരിക്കും. ഹജ്ജ് സുപ്രധാന ചടങ്ങ്​ അറഫ ദിനം ജുലൈ 30 വ്യാഴാഴ്​ചയായിരിക്കുമെന്നും സൗദി സുപ്രീം കോടതി വ്യക്തമാക്കി.