ഡി.കെ. ശിവകുമാര്‍ കര്‍ണാടക പി.സി.സി. പ്രസിഡന്റ്‌

ന്യൂഡല്‍ഹി: കര്‍ണാടക കോണ്‍ഗ്രസ്‌ പ്രസിഡന്റായി ഡി.കെ. ശിവകുമാറിനെ നിയമിച്ചു. വൈസ്‌ പ്രസിഡന്റുമാരായി ഈശ്വര്‍ കാന്ദ്രെ, സതീഷ്‌ ജാര്‍ക്‌ഹോളി, സലീം അഹമ്മദ്‌ എന്നിവരെയും നോമിനേറ്റ്‌ ചെയ്‌തതായി കോണ്‍ഗ്രസ്‌ ജനറല്‍ സെക്രട്ടറി കെ.സി. വേണുഗോപാല്‍ അറിയിച്ചു. മുന്‍മുഖ്യമന്ത്രി സിദ്ദാരാമയ്യ സഭാനേതാവും പ്രതിപക്ഷ നേതാവുമായി തുടരും. കര്‍ണാടയില്‍ കോണ്‍ഗ്രസ്‌ - ജെ.ഡി(എസ്‌) സര്‍ക്കാര്‍ രൂപീകരിക്കാനും നിലനിര്‍ത്താനും പ്രയത്നിച്ച നേതാക്കളില്‍ പ്രമുഖനാണു ശിവകുമാര്‍. ഡല്‍ഹി പി.സി.സി. അധ്യക്ഷനായി മുന്‍ എം.എല്‍.എ. അനില്‍ ചൗധരിയെ നിയമിച്ചു.