പെരിയ ഇരട്ടക്കൊല കേസ്: കൊച്ചിയിലെ സിബിഐ ഓഫീസിന് മുമ്പില്‍ സൂചനാ സത്യാഗ്രഹ സമരവുമായി കുടുംബങ്ങള്‍
കാസര്‍കോട് പെരിയ ഇരട്ടക്കൊല കേസ് സിബിഐ അന്വേഷിക്കണമെന്ന് ആവശ്യപ്പെട്ട് ശരത് ലാലിന്റെയും കൃപേഷിന്റെയും കുടുംബങ്ങള്‍ സൂചനാ സത്യാഗ്രഹ സമരം നടത്തി. കൊച്ചിയിലെ സിബിഐ ഓഫീസിന് മുന്‍പിലായിരുന്നു സമരം.
കൃപേഷിന്റെയും ശരത് ലാലിന്റെയും അച്ഛനും അമ്മയും സഹോദരിമാരുമാണ് സൂചനാ സത്യാഗ്രഹസമരം നടത്തിയത്. കഴിഞ്ഞ വര്‍ഷം ഒക്ടോബറില്‍ എഫ്ഐആര്‍ രജിസ്റ്റര്‍ ചെയ്ത് അന്വേഷണം തുടങ്ങിയ സിബിഐയുടെ ഭാഗത്ത് നിന്ന് പിന്നീട് ഒരു നീക്കവും ഉണ്ടായില്ലെന്നാണ് കുടുംബം ആരോപിക്കുന്നത്.
ഒക്ടോബര്‍ മുപ്പത്തി ഒന്നിന് സിബിഐ അന്വേഷണത്തിനെതിരെ സംസ്ഥാന സര്‍ക്കാര്‍ അപ്പീല്‍ നല്‍കിയെങ്കിലും ഹൈക്കോടതി സ്റ്റേ അനുവദിച്ചില്ല. എന്നിട്ടും സിബിഐ അന്വേഷണം നടത്താത്തത് ഉന്നത ഇടപെടലു കൊണ്ടാണെന്നാണ് കുടുംബത്തിന്റെ ആരോപണം. പെരിയ ആക്ഷന്‍ കമ്മിറ്റിയുടെ നേതൃത്വത്തിലായിരുന്നു സമരം.
No comments:
Post a Comment