നീലേശ്വരത്ത് കുറ്റിക്കാട്ടിൽ മനുഷ്യ തലയോട്ടി

നീലേശ്വരത്ത് കുറ്റിക്കാട്ടിൽ നിന്ന് മനുഷ്യ തലയോട്ടി കണ്ടെത്തി. ഇന്ന് രാവിലെയാണ് സംഭവം . മടിക്കൈ എരിക്കുളത്ത് സര്‍ക്കാര്‍ ഐടിഐക്ക് സമീപത്തെ പറമ്പില്‍ നിന്നുമാണ് തലയോട്ടി കണ്ടെടുത്തത് . പുരുഷന്‍റെ തലയോട്ടിയാണ് ഇതെന്ന് ഫൊറൻസിക് വിദഗ്ധര്‍ പറഞ്ഞു .

തലയോട്ടിക്ക് കൂടുതൽ പഴക്കം ഇല്ലെന്നാണ് പ്രാഥമിക നിഗമനം . മറ്റ് ശരീരഭാഗങ്ങൾ ഒന്നും സമീപ പ്രദേശത്ത് നിന്ന് കണ്ടെത്താൻ പൊലീസിന് കഴിഞ്ഞില്ല . കുറുക്കനോ നായയോ കടിച്ചു കൊണ്ടിട്ടതാണോയെന്ന സംശയവും നിലനിൽക്കുന്നുണ്ട് . നീലേശ്വരം പൊലീസ് സ്ഥലത്തെത്തി കൂടുതൽ അന്വേഷണം ആരംഭിച്ചു. പ്രദേശത്തുനിന്ന് ആരെയും കാണാതായതായിട്ടുള്ള പരാതികളൊന്നും ഇതുവരെ ലഭിച്ചിട്ടില്ലെന്നും പൊലീസ് പറഞ്ഞു.

➖➖➖➖➖➖➖